FAQs – Product Migration - Wireless အင်တာနက်မှ ဖိုင်ဘာအင်တာနက် ဝန်ဆောင်မှုအား ပြောင်းလဲအသုံးပြုခြင်း

    Product migration အား မည်သူတွေပြုလုပ်နိုင်သနည်း။

    လက်ရှိ တယ်လီနောWireless အင်တာနက်အား အသုံးပြုနေသော customer များသည် ဖိုင်ဘာအင်တာနက်အား ဝန်ဆောင်မှုအသုံးပြုရန် မှတ်ပုံတင်ထားသောမြို့တွင် အသုံးပြုလိုပါက product migration ပြုလုပ်နိုင်ပါသည်။

    Product migration လုပ်ပြီးနောက် ဘယ်လိုအခြေအနေမျိုးရှိမှသာ (၁)လအခမဲ့အသုံးပြုခွင့်အားရရှိမှာလဲ။

    ၁။ Customerသည် router၊ adapter ကြိုး၊ LAN ကေဘယ်ကြိုးနှင့် ဆင်းမ်ကဒ်နှင့်အတူ CPE deviceအား ပြန်လည်အပ်နှံရပါမည်။
    ၂။ ပြန်အပ်သော CPE deviceသည် အကောင်းပကတိအတိုင်း အသုံးပြုလို့ရနေရမည်ဖြစ်ပြီး CPE၏ IMEI No.သည် တယ်လီနောမှပေးထားသော IMEI No.နှင့် တူညီရမည်ဖြစ်သည်။

    CPE device အား ဘယ်အချိန်ပြန်အပ်ရမှာလဲ။

    လူကြီးမင်း၏ နေအိမ်၌ ဖိုင်ဘာအင်တာနက် တပ်ဆင်ရန် technical teamလာသည့်အခါတွင် CPE device အား တခါတည်းပေးလိုက်ရပါမည်။

    (၁)လအခမဲ့အသုံးပြုခွင့်ရရှိရန် ဘယ်လောက်ကြာမည်နည်း။

    တပ်ဆင်ခြင်းပြီးသည့်နောက် ဝန်ဆောင်မှုအားစတင်အသုံးပြုနိုင်ပြီဖြစ်ကြောင်း အကြောင်းကြားသည့် SMS တစ်စောင်လက်ခံရရှိပါလိမ့်မည်။ ၎င်း SMSတွင် လူကြီးမင်း၏ ဝန်ဆောင်မှုသက်တမ်းသည် (၁)လဖြစ်လိမ့်မည်။ CPE deviceပြန်အပ်ပြီး ၁၅ရက်ကြာမှာသာ လူကြီးမင်း၏ ဝန်ဆောင်မှုသက်တမ်းအား (၁)လအခမဲ့အသုံးပြုခွင့် ထပ်ပေါင်းပေးပါမည်။

    တယ်လီနောWireless အင်တာနက်အသုံးပြုရန် ကျန်ရှိနေသည့်လက်ကျန်ရက်များအား ဖိုင်ဘာအင်တာနက် ဝန်ဆောင်မှုသက်တမ်းတွင် ထပ်ပေါင်းပေးလို့ရနိုင်မလား။

    မရပါ။ သို့သော် CPE deviceအား ပြန်လည်အပ်နှံပြီးပါက လူကြီးမင်း၏ ဖိုင်ဘာအင်တာနက် ဝန်ဆောင်မှုသက်တမ်းအား (၁)လအခမဲ့အသုံးပြုခွင့် ထပ်ပေါင်းပေးပါမည်။

    Wireless အင်တာနက်ဝန်ဆောင်မှုအား ကျွန်ပ်၏အမည်ဖြင့် မှတ်ပုံတင်ထားခြင်းမရှိပါက ပထမဦးစွာ ဘာလုပ်ရမည်နည်း။

    ဖိုင်ဘာအင်တာနက်ဝန်ဆောင်မှုအား အသုံးပြုရန် အော်ဒါမတင်ခင်၊ “Change Ownership - စက်ပိုင်ရှင်ပြောင်းလဲရန်”အား ပထမဦးစွာ ပြုလုပ်ရမည်ဖြစ်ပါသည်။